الطمع صفة سيئة
ليه تكون شخص طماع واناني
ليه تعيش انسان رخيص انسان خسيس
ليه تطمع في ايد غيرك من النعم
ليه تتمنى يعيش حياته في النقم
ده اكيد قسى كتير من الالم
ليه تطمع في شيء مالكش حق فيه
ليه تفكر أنه يبقى كله يبقى ليك
ليه تصارعه في حياته وتقول شطارة
والمهم انك تفوز في حياتك وبجدارة
ليه بتاخد حق غيرك حتى قوته وتهوى موته
ليه تحب دايما تعيش وسط غابة
ليه تحب انك تمص دم الغلابة
ليه توصلهم لموت وانت تضحك باعلى
أنا النهارده بنصحك أن الطمع دايما. يضيع ماجمع
لو كلامي بيوجعك فكر شويه
وافتكر إن الكفن مالوش جيوب
وأنك انت اللي شايل كل الذنوب
هتلاقيني بنصحك بس بصراحة
لو ما عشت دنيتك عيشه بقناعة
استحالة في حياتك ماتلقى راحة
بنصحك علشان تعيش عيشه بضمير وبقناعة
تلقي ربك يعوضك عن كل طاعة
شعر (صباح الجداوى )
ليست هناك تعليقات:
إرسال تعليق