مين إللى قالك
.................
مين إللى قالك
وعلى قلبى دلك
خلاك تسكن فيه
علشان حلو أكمنك
جمالك بالفكر سارح
رمشك سهم جارح
هواك بالقلب طايح
مش لاقى حد يلمك
مين إللى وصفك ليا
وخلاك تسهر عينيا
عشقت الليل والموال
القلب مال مش بأيديا
هواك ف القلب نسايم
والشوق حواليا هايم
اه من جرحك يالايم
وانت هايم ولا بيهمك
جمالك بالعيون ساحرها
هواك بالقلوب أسرها
مين إللى عليا رماك
وخلاك للظنون فاكرها
نسيت إللى جرى منك
والشوق بيسألنى عنك
الحنين بيحضنك ويضمك
ويقولك مين عليا دلك
....
بقلم الشاعر
الأمير _محمود
ليست هناك تعليقات:
إرسال تعليق