أوقات كتير ... بتحس انك موجوع أوي ...

أقل حاجة ممكن تجرحك و تأثر فيك ... بتبقى هش ضعيف ...

 زي بيت العنكبوت ... ومن كتر الحاجات اللي مزعلاك ... 

خلاص مبقيتش عارف انت في اللحظة دي ايه اللي تاعبك ...

 بتحس ان الدنيا ضيقة اوي برغم البراح اللي حواليك ...

بتبقى مش قادر تتنفس ... مخنوق ... غرقان في بير مالوش ارار ...

 مش فارق معاك ليل من نهار ...

 في اللحظة دي بتكتشف انك ضعيف اوي ووحيد ...

 صحيح حواليك ناس كتير ... بس محدش حاسس بيك ...

و أوقات كتير انت بتتعمد تخبي المك عشان خايف على اقرب الناس ليك ...

 بس في نفس الوقت بتبقى محتاج انسان جمبك يحس بيك ...

 بكلمة منه تنسى الالم ... والدمعة تتحول لضحكة مالية وشك ...

بس هوا فين ؟!!! ولحد ما تلاقيه ربك معاك هتطلب منه يفرج همك ...

 و تطلب منه يبعتلك الانسان ده ...وكل اللي يسألك مالك ... 

هتبتسم و عيونك ملياها الدموع و تقول ... 

" أنا تمام الحمد لله ... ماشي الحال ..."...

د.

نجوى محمد زين الدين