....... الحياه ليا رحله ........
مش عارف أكتب جملة
الوجع كلبش إلهامي
خلا باقي حياتي مملة
وبيشعلل جوايا ألامي
والكلمه مبقتش سهله
والمعني أصبح هلامي
مشاعري بقت فاشلة
مش قادرة تجمع كلامي
والظروف حواليا قاتلة
عتمتها بتلمع قدامي
حتي افكاري بقت جهله
حبرها هجر أقلامي
مش عارف اكتب جملة
والكوابيس إحتلت أحلامي
والأمل مش لاقي ضلة
ينقذني من أوهامي
ويحرر مشاعري المحتلة
من وجع إغتصب أيامي
ولا قادر يطل عليا طله
ويقطع عليا فطامى
الحياه ليا كلها رحله
ومواعيدها بعيده عن أرقامى
.....................................
.......... حسن الشوان .........
ليست هناك تعليقات:
إرسال تعليق