نصيحة لقلبي .....

—————-

من لا يحسِّب ......عواقب مجريات الامور

لا يشتكي .....اليا انجرف به مركبه للهلاك

.

تجارة اللي ......يخون العهد.......لازم تبور

مهما يكابر.. ......ومهما شاف نفسه ملاك

.

لابد الايام تكشف ..........خافيات الصدور

ويْبين من يضحك ..بْوجهك ويطعن قفاك

.

لا بان وجه الحقيقة.... ...وانجلى بالسفور

وغيَّم اغبارها ،شمسك.... .....وعكّرْ هواك

.

واصبحت في حينها ،،مابين ظل ...وحَرور

القاع ؛ما يرتضيه ...الا الدني ......والرّكاك

.

لا ضاع لب الوفا ........ ولا بقي الا القشور

اقول ياقلبي اصبر..........واحسن الله عزاك

.

الصد في القلب وقعه ....مثل طعن النحور

يغتاله النزف لين ايصير..........ما به حراك

.

ياقلب:،خلك على الشِّدات ......دايم صبور

واحفظ كرامتْك ،والعزّة ،وعالي ........ذُراك

.

الحب ؛ماهو رواية،، تنكتب .....في السطور

ولا استباحة مشاعر صادقة ..........وانتهاك

.

الحب كتلة عواطف ..واهتمام،، ......وْشعور

واحساس صادق وديمةْ غيث تروي.. ظماك

.

واذا تغلّا. حبيبك ................واعتراه الغرور

فالحُر ما له .عن اسباب .......المفارق فَكاك

.

لا صار بينك... وبين.... ....اللي تعزه ....نفور

خله ملازم صعيده،.........وارتفع، في سماك

.

حتى ولو كان له .....بركان شوقك ....... يفور

اكبح جماحه عن اللي..... ...باعك وماشراك

.

لا صرت عنده كما اللي .......ساكنين القبور

اعلن رحيلك ....... وقل له: بارك الله خُطاك

.

صحيح احبه وحبه.......في الخفوق امْحفور

ولا ذكرته تجيني ....... رعشةً .........وارتباك

.

لكن ........ دامه على قطع المواصَل جَسور

واقصاك ياقلب ،واسرف في الغياب وجفاك

.

وصارت اشواق قلبه .... في انحسار ....وفتور

ثم ابتدا يهدم احلامك........ ...ويقطع رجاك

.

ياقلب .....الاقدار تجري......... والليالي تدور

مصير الايام تكشف له.............حقيقةْ غلاك

.

ياقلب ...خلك على عزةْ شموخك....... .غيور

ولا تدوّر رضا ..... من لا يدوّر ...........  رضاك

.

الصقر من عزته .........وكره بعالي.. الصخور

ما عاش بين الجحور .... .. ولا يداني الشِباك

.

#مستورمحمدالحارثي