كل شئ حوالينا بيكبر...كل شئ جوانا بيكبر.عمرمنا..زمانا
الا حلمنا ...ممكن آه يكبر لكن بيفضل ثابت...لا يتعدي خطوات
نحلم إننا نكبر...ممكن نكبر لكن أحلامنا بتفضل زي ماهي.
بتاخدنا أحلامنا لبعيد...لبعيد أوي..ممكن نحلم ان بقي لينا جناحات نطير فوق..فوق هناك عند السحاب..نلمس القمر...نمسك النجوم بأدينا..في حلم ليلة صيف جميلة..نحلم ان إحنا بنينا سفينة كبيرة وسط الموج تروح لبعيد ..بعيد في النهاية نكتشف أنها مصنوعة من ورق الكراريس.
ممكن بأحلامك تصنع المعجزات تلف العالم ..تشوف ناس غير الناس..تشوف حاجات مستحيل تشوفها في اليقظة. وتعيش الحلم. في لحظة تصحي تلقي كل شئ حواليك ثابت زي ماكان
وانه كان مجرد حلم..
في يوم زمان كنا صغار..نجري هنا وهناك ..نضحك ..نلعب
كان نفسنا نكبر نبقي كبار..فكرنا ...تحت شجرة ..ضلة حلوة لما تعبنا ..قعدنا ..نمنا ..حلمنا ..كبرنا..تاهت خطوينا اتفرقنا..اللي هاجر واللي سافر واللي مات في النهاية اتفرقنا..صعب علينا ..ندمنا
تعبنا...نعمل أيه؟...قلنا لأ لأ..نمنا عشان تاني نحلم نبقي صغار
نمنا حلمنا ...صغرنا ..جرينا نضحك ..نلعب..قلنا بلاش نكبر..خلينا
بالحلم نعيش نفضل صغار لجل مانلعب نجري ونضحك.
***********
محمد المصري
ليست هناك تعليقات:
إرسال تعليق