أنا اللي ببيع الورد
والفل والياسمين
أنا اللي نشرت الود
والحظ أجيبه منين
أنااللي شيلت الهم
أنا اللي نزفت الدم
ودُقت مرار الغم
ونزفت دمع العين
أنا الخدام بدون كلام
خدمت الكل ودُقت الذل
ورحت شمال ورحت يمين
أنا الإنسان وف النسيان
بقاسي الحزن والحرمان
أنا المتهم أنا القاضي
أنا المشغول ومش فاضي
أنا المجروح أنا المدبوح
وقلبي حزين وكله جروح
عايش ف غابة يابني آدمين
أنا الشاعر ومش واعر
أنا الحساس ورافع الراس
طموحي أحس بالإخلاص
بنادي عليه ومش سامعين
أنا النسمة أنا البسمة
أنا القلوب المبتسمة
أنا اللي عمري حقاني
بحب الخير لإخواني
ولا عمري يوم كنت أناني
عايش ف حالي ومكاني
ف نبض قلب العاشقين
ببيع الورد والياسمين
ببيع الورد والياسمين
هشام سليم
كنج العربي
شاعر الحرافيش
ليست هناك تعليقات:
إرسال تعليق