حرفك فاكره
حرفك قبل كتابته تذاكره
عقلك ديما تلاقيه فاكره
حرفك زي النرجس ورده
إلى هيقرا الحرف يباركه
حرفك لما يكون معقول
كل كلامك حلو تقول
ندا ع الورد يكون مبلول
تلقا حروفك تلقا قبول
حرفك زي البذرة بتسقي
حرفك تكتب نصك يكفي
جوة الحرف المعنى بتخفي
إلى عليل الحرف بيشفي
إلى بيقرا الحرف يحسه
لما الحرف ♥ القلب يمسه
تلقا الحرف منسق لبسه
حرفك مولود حافظ اسمه
كل حروفي انا العمية
لبسة العمة مع الجلابية
حرفي بيلعب في العالمية
تمثال قالو رمز الحرية
هي لغتنا تملي الاصل
للأمراض ديه لغتنا المصل
في العالم المليون فصل
ويا لغتنا تلاقي الوصل
ليه للشعراء م نبنيش جامعة
تفضل وسط الأمة الشمعة
شمعة حضارة قايدة ووالعة
كل كلامي امتى سامعة
حرفك قبل كتابته تذاكره
عقلك ديما تلاقيه فاكره
حرفك ذاكره
الشاعر صلاح الجنايني
ليست هناك تعليقات:
إرسال تعليق