سكة سفر تحت المطر
وطريق مفروش بالضباب
قدمي اتعتر ف صخرة خطر
لقتني مش طايق غياب
مشوار بعيد مليان جليد
ونهايته حتما العذاب
كل الخطاوي من غير غناوي
شبح الضياع مالي الحكاوي
علي الوصول أنا شكلي ناوي
بالصبر حوصل
مأنا مش ساحر ولا طبعي حاوي
دي سكة سفر وطريقي عافر
علي الوصول اديني بعافر
واثق ف ربي من كل قلبي
مانا أصلي مؤمن
باليأس كافر
أكيد حسافر
ف الزعابيب
لا معاي زاد ولا حبيب
َولا رفيق يكون سند
وسط الطريق
ولا قوة وعليها اتسند
والطبع جرئ
لكن برئ
محتاج محتاج شقيق
ف شدتي عليه اعتمد
يبقي المدد
يبقي أخويا والولد
ضد الضياع ضد الهدد
في طريق طويل
كله آهات مزروع بويل
ححضن آهاتي بالمواويل
يمكن أدندن
يمكن أأدن
الله أكبر بالصلاة علي الحبيب
جرحي يطيب
من غير دوا من غير طبيب
ياللي الإيمان بقي ليك دليل
مش حيحوأ فيك الليل
سكة سفر تحت المطر
ولا يوم تحس فيها بخطر
ولا تتعتر
السكة سالكة
منورة أكيد مش حالكة
والنفس مالكة
كل الكنوز
ولا يوم تعوز
ولا تضرب بوز
وانتا ماشي ف سكة سفر
وطريق مفروش بالضباب
مش قلقان ولا انتا خايف م الغياب
ف سكة سفر
هشام سليم
كنج العربي
شاعر الحرافيش
الإسكندرية مصر
