«( الشوق إليك جنني)»
الحب والشوق ياما كثر جمهوره
وياكثر صد الحبيب ليا ظهر مني
ما كل عصفور متعلق بعصفوره
وما كل محبوب للأنسان متسني
ترا الهوى ينكتب في كل صبوره
اما الهوى الصح مابا يبتعد عني
اكملت شرع الهوى في كل معموره
وتممت في جامعات الحب متعني
وكل انسان يفهم مقصد اشعوره
تجاه من يعشقه لاخاب بي ظني
ياهل الهوى مايفيد الطب وقصوره
لاغاب دكتور قلبي والغلا فني
من يركب الموج يغرق داخل أبحوره
واليابسه بالهوى فيها مئة جني
احلا من اللي يسوق العذر بالبوره
وللأسف عن حبيبه اليوم مستغني
✍️ د.عبدالستارالمفلحي
ليست هناك تعليقات:
إرسال تعليق