........ام الشهيد
٠كنت فاكره انه جاى
عامل زفه وفرح وصوت
٠بس لحظه شفته بيضحك
متغطى بعلم ملفوف فى تابوت
٠هيه ليه الضحكه قلت
والفرحه بقت سكوت
٠قولت فرحة مين يابنى
قالى افرحى انابموت
شايف الحوروالله ياامه
والجنه بتنادى لى افوت
٠بس رايح فين ياضنايا
دى حياتى من بعدك موت
٠مش وعدتنى تاخدعزايا
وتدعى لى رب الملكوت
٠انه يرحمنى ويغفرلى
وانته بتصلى وفي القنوت
٠سبتنى ليه ياواد لوحدى
ومين ياوادهيداوى جرحى
٠انته كنت كل اهلى
وكنت هناياوكنت فرحى
٠بعدابوك كنت سندى
وكنت كل الدنيا عندى
٠كانت النظره منك تكفى
والضحكه من عنيك بترضى
٠انته اخوياوكل إللى حلتى
انته ابنى وانته والدى
٠انته ياوادزهرة حياتى
انته حلمى الجميل الوردى
٠خليت ليه حلمى طار
واحنالسه فى اول نهار
كنت بحلم اشوفك عريس
ماخلتش ليه اى اختيار
٠سبتنى وانا لسه بحبى
والعيش من بعدك مرار
مش قولت إيدك فى ايدى
علشان اخواتى لسه صغار
٠وقولت اخلص جيشى
وابنى لك يامى احلى دار
٠واعوضك الشقاوالتعب
وازرع لك حوضين خضار
عزاياياواد أنك ميت شهيد
وكنت راجل وعزمك شديد
٠وعرفت الكلاب إنك مصرى
بطل شامخ زى الحديد
٠اناشوفتك طاير مع الملايكه
لابس ابيض وتوبك جديد
٠ودعيت ربى انه يجمعنى بيك
تحت عرشه يوم الوعيد
ووعدنى هناك اكون معاك
ماانا يا غالى أم الشهيد
الشاعررضا مخيمر
ليست هناك تعليقات:
إرسال تعليق