اهداء الى البطل المصري العربي
الذي نحسبه عند الله شهيد
الى / محمد صلاح.
هذه الكلمات البسيطة
***********************
أنا إنتي:- كلمات / محمود رزق
********
أنا إنتي..... أنا إنتي
في إخلاصِك
في إحساسِك
في كل الطيبين ناسِك
أنا جُندي في حُراسِك
لا عمري خُنت يوم وعدِك
ولا عمري حابقا وسواسِك
أنا نورِك ونبراسِك
أنا نورِك ونبراسِك
أنا إنتي..... أنا إنتي.
******************
أنا إنتي
ومهما تعاند الأيام
حاكون لِك
برضو يوم عيدِك
أنا إنتي
ومهما تغربِك أحزان
أنا بسمة شِفا شهيدِك
أنا دمِك........ أنا وريدِك
أنا إبنِك.... ومش سيدِك
أنا إنتي........ أنا إنتي
*******************
أنا إنتي
ومش كداب
ولا خاين ولا حرامي
ومش إرهاب
وعمري ما رفعت سلاح
على الشاب
اللي فيكي شاب
وعمري ماقلت
مش بلدي
ولا قلبي في عشقِك تاب
أنا إنتي.......... أنا إنتي.
******************
أنا إنتي
يامصر وانتي عنواني.
فداكي الكل يا صابرة
ولا تتقسم اوطاني.
أنا إنتي
ومن تاني
ومين مظلوم
ومين جاني
ومين محروم
ومين مظلوم
ومين مكلوم
ومين لساكي
في خياله ست الكل
يا سمرة
وأسأل تاني من حيرتي
أسأل تاني من حيرتي
الاقي الرد
أنا إنتي...... أنا إنتي.
******************
ليست هناك تعليقات:
إرسال تعليق