خربشات ليلية
**********
ليل ..وقمر ..ونجوم
وضباب من بعيد
يلف المكان
وصوت ناي ..يئن وجع
ودموع جوه العيون
ساكنه..تأبي السقوط
حلم شد من جوانا الحنين.
لما يوم مسكنا
ورقة وقلم
كتبنا فيها كلام غير مفهوم.
شخبطة...تخاريف..
هوس مجنون
الكلمة بين السطور تاهت
والقلم حزين جف مداده
لا عادت الكلمة..كلمة
ولا القلم يخلف الظنون
علي جدران الزمن كتبت موالي.
نقشت حروفي...
رسمت اللي كان...واللي فات.
لما يوم سألت..
فين ديارك
قالت انا طيف
لا دار ولاسكن ولا حتي وطن
انا حلم..جوة حلم مقفول
جوه بحر لاموجة ولا حتي شط
لا أنسية ولا حتي جنية.
انا حلم مجهول الهوية
انا الزمن اللي فات واللي بكرة جي
املا القلم ..ونقطة ومن أول السطر
اكتب..
حلمي وحلمك جوه أطلال
هدمها الزمن يوم ما كانت دار
ساعتها حلمي ..وحلمك طار
عشش جوه أوضة ضلمة سوده
بابها متربس حديد.
والصوت بعيد ينعي
ناي حزين
علي عمرك وعمري
أياك في يوم تسأل
ابقي مين ..وحتي انت مين؟
خليني جواك حلم
خليك جوايا..عمري اللي جي
****،*
محمد المصري
ليست هناك تعليقات:
إرسال تعليق