انت الاساس
طهر ترابك ما بينقاس
لا بالدهب ولا بالماس
ويا ما بالدم أنعجن
لتبقي مرفوعة الراس
الحب ع حدودك سهران
بين تلالك و الوديان
بوجودو يزهر نيسان
و المواسم بالأعراس
خصك الله عن غيرك
بأهلك وبوافر خيرك
ولعيونك غنى طيرك
ومن عطرك زين أنفاس
والألفة بين الأديان
عنوان لأسمى الأوطان
اللغة وحروف البيان
و الوعد دق الأجراس
وللوعي فيك رايات
اكبر من كل المساحات
الكنيسة رفعت آذان
والجامع قام القداس
والعرايش والياسمين
فوحوا على السنين
لتبقي عالي الجبين
ولأنك أنت الأساس
ناصيف شرباجي /سوريا
ليست هناك تعليقات:
إرسال تعليق