مش هاقول لك

..... ......... 

افتكرى إني  قولت لك  ميت الف مره

وبحبي ليكى بوحت لك  افتكرى مره

محتاجه تاني  أقول لك  أيه 

فهميني لجل ماعرف 

أنتى ايه  يرضيكى أيه 

............... افتحى الدرج اللي شايل

الرسايل والهدايا

اسحبى بشويش رساله افتحيها 

شوفى آخر سطر فيها 

جايز تحسى تفهمى

آخر كلامي ليكى ايه

بعدها هابعت ردودك كلها

لجل تانى افكرك  اذكرك

وعدك . وردك . ليا ايه 

عايزانى اقول لك تانى ايه 

.....

انا كنت بفرح لما اغمض عيني واحلم 

ولما احس خلاص هافتح

اتفزع وبسرعه اقوم 

اجري اروح لك 

تلمحيني  لعندي تيجى

تلمسينى المسك 

أجي  امشي  قبل ما مشي 

توعديني تحلفيلي 

إن  مافى فى قلبي غيرك

ولو تفكر يوم تسيبنى

مستحيل   ماراح اسيبك 

ومهما تبعد  شرق غرب

وعد  عمري مااخلفه

وعهد  مهما تغيب ماسيبك

..... انتى فين  من كل ده

جاوبيني ردى 

واللي كتفك جنب كتفه 

وخطوتك من خطوته

يبقالك ايه

جاوبى ردى

ولا أقول لك  اسكتى 

العبى الدور

إللى كنتى زمان عليا بتلعبيه 

عيشيه فى الوهم زي  اخدعيه

فهميه بالكدب إنك  دايبه فيه

وإنه  اول حب عمرك

وإنه  حلم . بتحلميه 

ويوم ما يظهر البديل

العبى  دور الضحيه 

حسسيه  إنك  وافيه 

دور وسهل تمثليه 

تنهى بيه المسرحية 

النهارده راح اقول لك إنتى  حرة

تروحى تيجى ماتفرقيش

قصدي قربك نفس بعدك

لابحن لك مابحسكيش

إنتى كنتى ولما خنتى

تاني ليا ماتلزامنيش

عيشى حرة وبطريقتك 

وبطريقتي حر اعيش 

لا كنت ليكى ولاكنتى ليا

خلاص ما عدش يخيل عليا

بيك  من غيرك بعيش

...... عايزني تانى أقول لك أيه

مستحيل  اضعف واقول لك

...انا .انا .انا

.  انامش هاقول لك .السيد بدر