ايوب ياماسك سبحتك
والصبر منك كل
ليه خطوة الغلبان ما لاقيا الضل
نزعوا الشجر والنخل عم بيقل
هدموا حيطان الستر والكل عم بيضل
غرسوا السلاح ويالقنابل والطفل مات بالطل
عشقوا علام الكرهه وورثهم كان غل
ايوب فين ابتسامة حضرتك
تحضن غيطان القمح
تحضن صبيه وِصبي بدروا تقاوي الفرح
وبكره عاشق ضفاير بنات حوا
عاشق كسوف ورد وخدود
عاشق رسايل من عيون الندا
والصبح شب كام شبر من أرض الهوا
طابت ملامحه من بعد مالقي دوا
يانعسه شيل ستايرك الغامقه
لمعة عيونك تمسح جبين الامس
تغزل خطاوي الغد تغسل قلوب الانسانيه
ومنك اتعلم الصبر ازاي يكون صابر
في عيون صبيه ......
بقلمي ✍️ شيرين ابوعميرة 🌺
ليست هناك تعليقات:
إرسال تعليق