تل الحارة
*********
اليوم صارت بواشقنا على التل
ترمي الورد عالحارة وتجود
العين تبكي من الفرح وتهل
والقلب يرقص بالأمل موعود
قدام النشامى فوق كل محتل
عز وكرامة ومرجلة وصمود
أنتوا الأمل ياشمسنا والظل
سباع الوغى أبطالنا ياأسود
كلكم شهامة ومن جاركم ماذل
وللخير أنتم قدها وقدود
تسلم إيديه اللي بعد ماكل
حتى يحرر شامنا ويبرود
الشام تنطر والقدم مامل
يستنى خيل من الجنوب يسود
ثورة كرامة والباغي ماله حل
غير النشامة وربنا المعبود
أنتم قهاوي الروح فنجانا والدل
العزم فيكم والأمل ممدود
أفعالكم تشفي كل معتل
والفخر فيكم والله ماله حدود
ياسباع ولد سباع ياذراع فوق الكل
ياوجوه طيب وخير يانار مع بارود
بقلمي رياض محمد السوفاني/سوريا
ليست هناك تعليقات:
إرسال تعليق