💐(((#خذ_راحتك)))🌸

القصيدة باللهجة الشعبيه⁦🇾🇪⁩

لَكْ حَق واجبْ ياجميل تِمْتَاسْ

               بِقَدِّكَ الناعم غَنَجْ واتختال

وتجذب العاشقْ بِطَرْفِ نَعَّاس

                وتِمْتَلِكْ قَلْبَهْ وتشغل البال

ويحق لك تِمْلَكْ أوامرَ الناس

            بِحُسْنِكَ الفاتن ونقطة الخال

لإنَّ بكْ ملمسْ مَلِسْ  وإحساس

             رهيف مالهْ في سواك أمثال

كأنَّمَا الباري براك من ماس

           واحْنَا برانا من حَمَأْ وصلصال

ومٓنْ فَمَكْ أخْرَجْ عذوبة الكاس

           على شِفَاكَ الْحُمْر فيضها سال

بس في على حيطك حَشَمْ وحُرَّاس

            ولك على باب الدخول أقفال

ولك فؤاد العشق يضرب الطاس

          ويصب لك فنجال بعد فنجال

ولك من الحسن البديع نبراس

             يؤانسك وحدك بأسعد الفال

        

 وفي شذى وردك ألَذَّ أنفاس

               عبيرها الساحر عليك دلاَّل

         

على كذا  مثلك يدوس من داس

              يلعن أبو العاذل ويلعن الآل

ومن عسى يقدرْ ينالْ لكْ راس

           أوْ يشتري لَمْسَكْ بِكَثْرَةِ المال

خذ راحَتَكْ مابش عليك شي باس

             واحنا لنا ربي العليم بالحال

🌷⁦♥️⁩🌸💐🌹

#بقلم_حسين_الزلخفان⁦🇾🇪⁩

27/فبراير 1990م

قفل شمر