كل نظره
كل نظره من عيونك
ادعى رب الكون يصونك
كل ضحكة بتضحكيها
الصراحه أنا روحى فيها
الجفون بتقول كلام
والرموش ترمى السلام
والخدود تُفاحها وردى
من جمالك أه ياوعدى
بس ليه كُتر الملامه
نفسى نظره وابتسامه
ولمراسيلى تردى
ياللى ساكن فى العلالى
شغلتنى وشغلت بالى
ليك فى قلبى 100 علامه
انت بالنسبه لروحى
نجم ساطع فى الليالى
ياطبيب اشفى جروحى
فى ايديك مليون سلامه
كلمه تحيى لى امالى
انطقيها وبيها بوحى
بيها راح تصبح حلالى
تطفى نارى وانشغالى
واعشقك ليوم القيامه
شعر أحمد اسماعيل / شاعر العرب
ليست هناك تعليقات:
إرسال تعليق