عطشان
ولفيت سبع بحور
وسبعين بير
وفي اخر بير طلعتلي
تقولش حور عين
الوجه زي القمر
والشعر انعم من الحرير
انسية ولا جنيه
قالت لا انا هدير
وعيونها سحبتني معاها
وخادتني جوه جوه البير
بير مالوش قرار
علي فين واخداني ياهدير
قالت اسكت ماتتكلمش
فرشالك قلبي بالحرير
تقعد هنا وتسكن معايا ياامير
وضحكت ضحكه حلوه
جننتني وخوفتني
قالت بص لاسمي واسمك
احمد و هدير
قصة مكتوبه ياسمو الامير
اقعد في حضن قلبي
واحكيلي بقي ياامير
لفيت وعرفت وحبيت
وفي الاخر وقعت في البير
هاتحبني وهاتعشقني
وتوب علي ايدي ياامير
بس خلي بالك موتك
في بعدك عني ياامير
وحياتك ياهدير
ماانا طالع من البير
هانام واتغطي بشعرك الحرير
ومن حضن قلبك الدافي
مش طالع ياهدير
حتي لو قالو وقعت ياكبير
هاقولهم ايوه وقعت في حبك
وغرقت كمان في البير
احبك
ياهدير
احمد محمود
ليست هناك تعليقات:
إرسال تعليق