.....موال الزمن......
يا مضفر الموال جدايل ع النخيل العتيق
انفض تراب الازل من فوق تاريخنا العريق
واحكي حكاوي لزمن حط السلام في مضيق
لا خلا ضحكه لبشر ولا نفس ليها رفيق
احكي وشد الامل لحد اخر الطريق
وان يوم خذلنا الزمن تاريخنا منه برئ
واسمع معايا الكلام
من جوه لحن جميل تعزفه الاله
تلقاني طالع في نسمه الاياله
الفن غنوتي
واوتاره شريان حياتي وانواره
باللحن طالع..
باللحن راجع
واسمع حكايتي الليلادي
طلعت صبيه.. ساعه مغربيه
ع الزواعيه
جنب شط الترعه
تستني الادان
قام لقت نمله سوده...قالت
خفت منها
جريت جريت
قوم لقيتني جوه بيت
جوه اوضه ضلمه سوده
بابها متربس حديد
فضلت اصرخ واجري
م الجدارده للجدارده
وم الجدارده للجدارده
لقيت تقب منه
خيط من نور يقيد
قم لقيت طيف كنت
شفته من سنين
سنين وسنين كما السواقي تدور
سنين تودع يتيمه وسنين تقطف زهور.
...محمد المصري...
ليست هناك تعليقات:
إرسال تعليق