كارت البستان
حد فاكر كارت البستان لما كانت لسه الدنيا امان
ولسه الحب طاهر بدون مصالح او نكران
كارت البستان رسالة محبه
رسالة صداقه فى عيد ميلاد
او رسالة عشق بين الاخيار
كان عنوان بين الحبييبه ورسمته دايما عظيمه
وساعة ينفتح الظرف ويطل
تنتابك مشاعر غريبه صافيه بكل طيبه
زمنك كانت المحبه اخلاص والصداقه وفاء والجيران اهل واحباب ومكنش بينا ولانفس واحده غريبه
الست اصيله وجميلة وقويه وعفيفه وروحها خفيفه ودمها شربات وحاجات عظيمه كتير
كانت الست مدينه
والرجل كله كفاح لزوجته وولاده رمز ومقدس وعليه القيمه
ولاخواته نبراس ولامه وابوه مثال الرجوله
حتى الحب كان عباره عن كارت البستان
فيينك ايام زمان
فينك كارت البستان
ممدوح يسرى
ليست هناك تعليقات:
إرسال تعليق