زجلية ..( العرَّافة )
صلِّ على الزين
أبين زين أبين
واللى وميصليش على
الزين يبقى بوشين
تعالى ياخاله
ياللا يا جدع ارمى بياضك
ووشوش الودع
ربنا هينصرك وعدوك
فى شر أعماله وقع
لك عدو خواته عملوا العار
استر يا ستار
....اكمل ؟
....ياتكملى يا تهملى
....ابوه وقاع وش النصايب
مكار مكر الديابه والتعالب
قال وايه؟ الغريبة والعجيبه
بيقول أنى
انتسب لعلى بن أبى طالب !!!
....يادى العيبه
والخيبة بالويبه
كفايه تلميح ولا
اقول بالصريح
صلوا على الزين
أبين زين ابين
.....قلت كفايه
*************
كانت بلطيه لك جااااايه
وورتك صورتها قدام المِرايه
قبل ما تفرح و تقول ياهنايا
عرفت وراها نصيبه جايا
عجبها فيك خدودك
و تحت الهدوم نهودك
وطلعت انت عارف حدودك
عَرفِت هيا ان ده عندك محال
قالت تعبتنى يا اخى يابرودك
تحملت كتير قرفها
وصبرت على خلافها
صلِّ على الزين
أبين زين أبين
*****************
التعلب فات فات والزمن ده قليل
فيه البركة بين الاخوات
نسيوا فيه نصايب الطمع
وأنه يقل ماجمع
اقول لك عليهم حكايه و لا
اسكت وأكمل المرة الجايه
كفاية قومى. رَوَّحِي
وامشى اتغندرى واطوَّحِي
يا خويا دائما بالكذب متهومة
يعوزوني
فى فقرهم ينسونى فى العزومه
صلوا على الزين
أبين زين ابين
ليست هناك تعليقات:
إرسال تعليق