قصيدة " حياة ورق "
الشاعر د. عبدالناصر جبريل محمد
حياة ورق عايشنها يوم ما جينا بدواء مكتوب علي روشتة ورق
حياة ورق شهادة ميلاد ولا شراء ولا بيع بعقد ورق ورخصة سواقة ورق
حتي لما تحب واحدة تكتب عليها بقسيمة ورق قائمة ورق
حفلة كبيرة في منزل صغير والدعوات مكتوبة ورق
حلم حياتك علشان يتحقق كتبوه على ورق
حبس وبراءة حكم علي الورق
حرموه من حبيبه بفراق علي ورق
حاجة بتروح وتيجي قيمتها ورق
حتي اللي بتعدل مزاجنا ملفوفة ورق
حسد ودجل وعمل مدفون معمول علي الورق
حفظ اي شئ بعد ما تقرأه على الورق
حتي متابعة أخبار الدنيا جورنال ورق
حفرة راح تنام فيها تدخلها بشهادة وفاة ورق
حتي إعلام الوراثة برضوا ورق
حكمت المحكمة بتوزيع التركة علي الورق
ليست هناك تعليقات:
إرسال تعليق