نفسي أكتب جواب بس مش عارفه لمين ✍️
🌹
🌹
🌹
🌹
يمكن لحد فارقنى وبعد عنى من سنين
يمكن لمشاعر جوه منى بس لسه مش باينين
يمكن لمشاعر عايزه تخرج بس مش عارفه لفين
يمكن لناس سابوا جوايا الأم تعدى سنين
يمكن لحد جرحته وقلبه بسببى حزين
يمكن لناس فارقونى ولسه في قلبي عايشين
يمكن لناس خلاص لكل حاجه حلوه عملناها ناسين
يمكن لناس مش بيحبونى وهما جوه منى ساكنين
يمكن لصاحب عمرى ما فارقته واحنا صغيرين
يمكن لناس اشترتهم وهما كانوا ديما بايعين
يمكن لحاجات كتير جوه منى بس منى ضايعين
يمكن لضحكه غابت عنى نفسى ترجع من سنين
يمكن لنفسى اقولها أنتى بقيتى مين
يمكن يمكن لناس كتيره ماعرفش راحوا فين
يمكن لناس كتير لسه في حياتي جايين
بس كل كلمه منى بتهرب
وبحس أن الورقة منى تستغرب
ولقيت كلامى كله حزن وعتاب
سكت وقفلت الجواب
ورميت جوابى في سله التايهين🌹
ليست هناك تعليقات:
إرسال تعليق