قصيدة " أسمك بين الضلوع "
الشاعر د. عبدالناصر جبريل محمد
بين الضلوع اسمك جوا قلبي انكتب
بين الشوارع والزحام قلبك دهب
بين كل كلمة وغنوة حكايتك ليها العجب
بين كل حارة وزقاق في الدرب الأحمر ولا باب الشعرية والجمالية حتي في حي عابدين والشرابية وأخواتنا في المطرية وباب النصر والحسينية دى مصر ام الدنيا
بين الحبايب متجمعين علي قهوة ام كلثوم ولا الفيشاوي جنب سيدنا الحُسين قاعدين بنضحك والفرحة تملأ قلوبنا وأولادنا جنبنا مبسوطين عمار يا مصر
بين الدروب نحلم ويتحقق حلمنا بحبك يا مصر في قلبنا
بين الثواني والدقايق والساعات نسمع لغنوة ترطب قلبنا
بحلم وحلمي كبير أشوفك يا بلدي بترضي الكل ، والكل في حُبك جميل ببسمة علي الشفايف والخدود تحمر بلون الورد الأحمر يتفتح وقت الربيع بنسمة هوا دا جوك أحلي وأجمل وانا ماشي علي كورنيش النيل
وبين العصر والمغرب بتاخدنى نفسي اطلع لبرج القاهرة واشوفك يا بلدى أحلي وانزل بسرعة علشان اسبق ساعاتي واروح لاهراماتي وأبو الهول وأوصل لحد الفيوم والسبع سواقي ومن المنيا لسوهاج والأقصر وأسوان دي بلدي ثلث العالم آثار تعيشي يا أم الأبطال 🇪🇬🇪🇬🇪🇬
ليست هناك تعليقات:
إرسال تعليق