طل الربيع............شعر غنائي ..
طل الربيع وزقزق العصفور
وما ضل غيم بسما ضيعتنا
ورفرفت كالنسيم نبضات قلوبنا
ونام الحلم خلف هاك السور
وارتفعت الرايات عمطل حقلتنا
وعطراف هاك الحي زغرد التنور
وجن الفرح ببساتين ديرتنا
ورشت صبايا الحي هالمنتور
ودبكت بعرس الربيع شلتنا
قومي ارقصي ياحلوتي بهالنور
ولا تتركي ظلمة الأيام تمقتنا
انت حلا انت صلا وريحة البخور
والكل يعرف طول وعمر رفقتنا
انت وانا معمدين بجرن بلور
منضل اخوي مهما الزمن فرقنا
طل الربيع وتكتك العصفور
وعشعش النور ببيوت ضيعتنا
ما اجمل الربيع بهالحلا المنظور
انشالله المحبة والسعادة والحبور
وورد الربيع والزهور
بتضل تاج يكلل رؤوس شلتنا
جرجس لفلوف سورية
ليست هناك تعليقات:
إرسال تعليق