//////+++بوهالي+++//////
وا سامعني وصغى مزيان
راني خوك راني انسان
اعرفتك قبل ماتقول ليا
ربي داك للي عالم بيا
وشحال قلبي فيه ما خبيت
ماشي وانا للي اختاريت
وانا وانا غير بوهالي
ربي مولاي عالم بحالي
وعلى من نحط راسي
يسمع ف البرد صوت ضراسي
لابس دربالتي ملو نة لوان
عكازي يوريني شلى طرقان
يطرد اعليا كل السراق
ويدخلني مامن في لسواق
طالب من ربي سر كل عون
ماليا غيرو ف هذا الكون
ربي الله سر المدح ونشاد
سيدي مولاي رب كل لعباد
بقلم صقر الحروف
الزجال المحجوب بوسبولة
ليست هناك تعليقات:
إرسال تعليق