(((( 🌹 الررساااااااااائل🌹))))
✍️✍️✍️✍️
يارسايل شوفي اش سوت حروفش يارسايل
كل حرفاً فيش سوا فالكبد والقلب طعنه
خلّفت قلبي حروفش كالمدن بعد الزلازل
يوم حلمي تم تحت انقاض جسر الوصل دفنه
دمرت قلبي حروفش وامّطرت فوقه قنابل
هيّجت فيه المواجع واقلقت أُنسه وآمّنه
يارسايل موجش العاتي قفل باب التفاؤل
انتهى اسطولي وغرقت وسط موج الغدر سُفنه
قيّدت سود الليالي القرن الاعصر بسّلاسل
والقته في سجن مظلم واحكمت قيّده وسجنه
الصريح اصبح بعين أهل الزمن هذا مجامل
والمراوغ ذيب!!!!! له عند البشر قدره ووزنه
والمحبه ماعد الا القهر منها والبواطل
في زمان الحقد هذا صار فيه الحب لعنه
الصداقه ماعد الا الاسم ماعد شي تفاعل
صاحبك من عاد ذكرك حيّ في باله وذهنه
والتشدق والتملق والتغابي والتجاهل
من شيم الاصحاب في عصر الوفي مكسور قرنه
لاتُغرّك كثرة الاصحاب حولك فالمقايل
يشهد الله ماعليهم يارفيق الدرب رُكنه
كل من يشتي مقابل وقفته جنبك مقابل
ون ماشي ساعة الشدة يسوي عطب فذنه
يارفاقي شوفوا ايشي عاقبة هذا التخاذل
كل واحد صار غارق في معاناته وحزنه
لو بقى شي لصداقه يارفاقي دور فاعل
كان مالعبت بنا امواج الضجر يسره ويمّنه
كان لوشي بايخف الحمل ذي كلين شايل
دام كل إنسان فاتح لصحب قلبه وحضنه
الوفي ماتشغله عن صاحبه كُثر المشاغل
ومن تغير قول له حُما على وجهه ودقنه
والبشر كانوا فصيله وأصبحوا عدة فصائل
نسيوا ان الاصل واحد ياأسئ قلبي وغبّنه
شيّدوا بنقاض جسر الوصل عازل بعد عازل
للأسف قد طاحت اركان الصحب وانهار حصنه
كم قصائد لجل ترسيخ الصحب كم يازوامل
ما يُبا الشاعر من الجمهور قولت صح لسنه
الذي نشتيه تفعيل الصحب تفعيل كامل
والصحب نجني ثمار الخير من رعده ومزنه
👋👋👋👋
تحياتي لكم جميعا
الشاعر/عمر عبدالعزيز الجميلي
2023/3/15
ليست هناك تعليقات:
إرسال تعليق