بتشوقك
--------
بتشوقك
شوق الشراقي للمطر
بتشوقك
شوق اللي راجع من سفر
بخافك
خوف العيال م الخطر
خوف العاشق م الملام
بخاف عليك
م الهوا وم الكلام
وما على العاشق ملام
فاكرة ؟
لما سكرنا بكاس الغرام
قولنا ع الدنيا السلام
فاكرة ؟!!
ف ساعة المغربية
لما طيفك حضن عنية
خايف أقولك تقوليلي
خايف أغني لحنك
يكون الحزن مواويلي
خايف؟
أيوه خايف!!
من تاني أتشوقك
بقلمي
الناقد
حمدى البوقى
ليست هناك تعليقات:
إرسال تعليق