(((كنا وكان)))
/////////////////////////////////////////
كنا وكانوا وكان ياما كان
عنا فرحه وعنا امان
الدنيا ترقص دوم حوالينا
قلوب مليانه عطف وحنان
/////////////////////////////////////////
كنا وكان الحب رفيقنا
نمشي ورود مزروعة ع طريقنا
ولما ندعي الرب دموعنا
صادقه مليانه خشوع وإيمان
/////////////////////////////////////////
أشوفك اعانقك أقول أهلين
لو تشكي ضيقك اطلب م العين
أعطيك لربي سلف ودين
تقللي يكفى أقول كمان
//////////////////////////////////////////
كنت عزيز على قلبي وأخ
واليوم نصبنا لبعضنا فخ
لو تطب تطربني صرخة آخر
وأفرح لو تصير مهان
//////////////////////////////////////////
شو اللي صار بحالنا ياناس
حب كرامه سماحه أنداس
كنا الماس صرنا أنجاس
بيقولوا هادا آخر زمان
//////////////////////////////////////////
ليش ياخيي نعادي بعض
نقلع حب ونزرع بغض
آخرتنا طعام لدود الأرض
وتصفر ناي وتدور أحزان
//////////////////////////////////////////
اسمعني ياخيي ضروري نعود
تقابلني بعطف بالود أجود
ونبدل صفير الناي بعود
يشملنا بعطفو الرحمن
/////////////////////////////////////////
شعر ؛ نذيردهان
ليست هناك تعليقات:
إرسال تعليق