انت روحي و قلب قلبي ...

عليك بخاف اكتر من روحي ..

عليك يا عمري كل بوحي ... 

ده انت عمري يا ماحي جروحي ...

و انت سندي و انت زادي يا كل وجودي ...

و ان زعلت او اتألمت أكون انا للحزن بيت ...

و أقول يا رب طيبله خاطره خليني اداوي كل جرحه ...

خليني اسرق منه همه و اكونله بسمة و دنيا صافية ...

يا رب اعطيني نصيبه من الالم لو فيه الم ...

يا رب احميه و احفظه من شر بيحاول يطوله ...

يا رب نجّيه من اي مكروه او حسود من كل حاقد ...

يا رب قوينا ببعض خلينا دايما واحد لبعض ...

آه يا روحي بحبك مووووت ...

يا نبض ساكن جوة قلبي ...

يا أحلى حب لونلي عمري ...

يا بسمة مرسومة فوق شفايفي ...

حتى ملامحك رسمت ملامحي بدِّلتني ...

و بقينا واحد و روحك انت علينا حارس ...

خليك معايا يا هوايا و ده منايا للنهاية ... 

و أنا ايه من غيرك ده انت مرايتي يا كل حكايتي ...

خليك دايما ماسك ايدي ...

 و بيك طمني في هواك دوبني ...

ده أنا من قبلك قتلني الشوق ...

و في حضنك انت طلعت لفوق ...

بين السحاب وسط النجوم ...

لامسة القمر يا نور الكون ...

يا رب يا عمري سعادتنا تدووم ...

انت و أنا لآخر نفس في بعض نمووووت ...

ايوة يا روحي بحبك مووووت ...

د. نجوى محمد زين الدين