حكايتنا ويا الزمان

×××××××××××

لسه فاكر إن حكايتنا............ حترجع ثانى زى زمان 

ولا شايف انك حتاخد........... منى ثانى حب وأمان 

ولا  حنين عنيك بأشارة....... منها أدوب فيها دوبان

ما أنت اللى قطعت...... بغدرك نسيج خيوط الحنان 

وسرقت أجمل لحظات........... عشناها فى كل مكان 

انت بتحلم وبتجرى.... ورا سراب ومسيرك للهجران

وانت بتحبس دمى............ وبتولع فى قلبى النيران

أنسى انك حتاخد منى............ الوداد اللى كان زمان

او أبتسامة فى وقت ...........صفى او وقت روقان 

ياما هانت عليك دموعى.......... وهان عليك العرفان

كل دة راح وعمره ما .....حيرجع من خنقة الخنقان 

ده انت ورتنى أيام آسى........  وأيام شقى وحرمان

وكنت معيشك بجنة ..........نعيم حبى والأطمئنان 

ومغطيك برموش الهوى ومحسسك بدفئ والحنان 

والصبر اللى صبرته.......... معاك على الجفا والنكران

والحضن اللى كان بلفه.......... عليك لحيرة الحيران

ياما دوبت قسانا وتشهد ...عليك السهول والوديان 

والهوى اللى ضيعته ........بأيدك جى تقول هو كان

والليالى كانت بتنادى...... وأنت ضيعتها وآن الأوان 

كنت أبات أسأل حنينى.... ودموى هل كان بالإمكان 

قل لى أعمل أية معاك لما بقت حكايتنا ويا النسيان

انت جيت لحبى............... . ولا جيت عشان شمتان

لسه فاكر إن حكايتنا............. حترجع ثانى زى زمان 

ولا شايف أنك حتاخد........... منى ثانى حب وأمان

أديب وشاعر مهندس/ محمد عوض 

6/2/2023