()* الزفاف الأخير *()
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
كوشه وطرحه
زيطه......... ولمه
همسه ودمعه
وصرخه ولطمه
وناس كده تايه
ساهيه وناسيه وسارحه
وإيد تنحط في إيد. ...
مش عارف طريقها......
ودايخه.
وأنين بيهز شفايف
نفسها تتكلم
لكن مش عارفه
؛؛؛؛؛؛؛؛؛؛؛؛؛
وبأحاول أشد حزامي
تراتيل ... وتضرع
كلها مش فالحه
والكوشه دي خشبه طويله
وعاليه.
وناس شايلاها جنب دماغها
متغطيه الكوشه بمخمل
وبمنديل رابطين لها راسها
خايفين لصداع الزيطه....
يصيبها.!!!؟
يخليها تدخل قبرها خايفه
كوشه وطرحه
زيطه ولمه
وهمسه ودمعه
وصرخه ولطمه
؛؛؛؛؛؛؛؛؛؛؛؛؛؛؛؛؛؛؛؛؛؛
ولله الأمر
....كمال البنا....
ليست هناك تعليقات:
إرسال تعليق