✦.. كرهتك لكذبك
كرهتك لكذبك لعندك لحبك لنفسك
كرهتك لانك مخادع كبير
قاسى القلب معدوم الضمير
صدقتك وكذبك اكتر كتير
حبيتك وحبك وهم كبير
غرقت وتهت فى بحر خداعك
ومعرفش واخدنا رايح فين
صبرت وقلت ها يعود له الضمير
اتارى بطفى نارى بنارك
اتحملت عذابك على امل جديد
وبعد الصيام مجاش العيد
عقابى اختيارى لك وعذابى رد الجميل
مات املى فى صدرى ونفد صبرى
كرهتك لظلمك لكذبك لغدرك
لقسوه قلبك للى حبك
مفيش فى الدنيا حد هزمنى
اللى وجعنى وكسر قلبى
انى اتخدعت فيك
وضيعت كل امل يربطنى بيك
عشت فى عذابى وصبرت عليك
وانت دمرت حبى ليك
كان فى قلبى حب كبير
وانت دمار ونار وتدمير
ارحل عن حياتى ابعد عنى
اتحمل لوحدى غلطت عمرى
وخيبه املى فيك
تغرب تشرق تولع تحرق
ماعد ينفع تشنق قتيل
بطيبتى صدقتك وانتظرتك
توفى بوعدك اتاريك مخادع كبير
كرهتك لانك معدوم الضمير
وحبك مات زى ماماتت حاجات كتير
حبك كفر مابعد الكفر ذنب مهما كان كبير
ابعد عنى اتركنى اعيش من جديد
كفاك فى حياتى تدمير
********
سفير السلام الشاعر
د. اشرف سلامه حموده
ليست هناك تعليقات:
إرسال تعليق