( ودعوك )
علموك يا قلبي تنسى لما يجرحوك
ويبيعوك لو مرة تقسى ويخونوك
ولسة بتقول عليهم دول حبايبي
تفتكرهم ليه يا قلبي وهما بينسوك
علموك إنك تنسى روحك وتفتكرهم
ويعيبوك ويأمروك تقول كتر خيرهم
ولسة بتقول عليهم دول حبايبي
إسمع كلامي وشوفلك حد غيرهم
علموك يا قلبي تمسح دموع عنيهم
وبيخدعوك وبيقولولك إن إنت ليهم
إوعة يا قلبي تقول عليهم حبايبي
إبعد عنهم وإدعيلهم ربنا يهديهم
إرجع يا قلبي زي ما كنت زمان زمان
من غير غرام من غير كلام ولا احلام
وإوعة تقول عليهم دول حبايبي
وإعتبرهم حلم حلو عشته وراح وكان
الشاعر
( جمال رمضان )
ليست هناك تعليقات:
إرسال تعليق