شعر غنائى ..

((( أمل )))

على قد بعدك عنى .. على قد منا مشتاقلك ..

و بأتمنى من الزمن ينصفنى .. و   أقرب منك و أوصلك .. 

و أعيش معاكى العمر إللى باقى  و تهدى ف قلبى نار أشواقى ..

و أسبح ف ضى عنيكى .. و أفضل أكتبلك أشعار لحد الصبح م يطلعلك ..

     على قد بعدك ..

أنا من غيرك سايح ف الدنيا .. مش لاقى بر أرسى عليه ..

و إنتى طوق النجاه .. اللى كنت بأحلم بيه ..

بس ياريت الزمن يرجع و يعود .. و يبقالى ف الحياه وجود ..

و الورد اللى دبل ف بستانى .. يرجع ينور و بحبك أرويه ..

     على قد بعدك ..

أنا آسيت ف عمرى كتير .. من أسوة الآيام و غدر الزمن ..

لحد م ضاع عمرى .. و دفعت التمن ..

لا إرتاحت مره ف يوم .. ولا سابتنى الهموم ..

و أهى آيام يتعدى و بتفوب .. و كأنها فرائض عليا و سنن ..

    على قد بعدك ..

لكن طول م حبك بيسمع ف ودانى .. أنا هأرضى بعذابى و أعيش بالأمل ..

و أقول كفايه إنى بحبك .. و أشرب المر على إنه عسل ..

أعتب على الدنيا اللى حرمتنى من نور عيونى .. ولا أعتب على حبايب الدار اللى هجرونى ..

راحوا و سابونى ف عز جرحى .. و باعوا ودى و عشرتى بأرخص الحلل ..       

         على قد بعدك ..   

بقلم الشاعر الغنائى ..

محمد البريمى ..