عايش في الدنيا مستور
وبقول الحمد لله
غيرى مش لاقي لقمة
ومهموم من جوة
عشت فيها شقيان
والعمر جرى على مفيش
وحتى لو يوم تعبان
بعافر عشان لقمة العيش
شباب عايشة ومتهنية
وفى البيت متغطية
وانا فى عز الساقعة
بقوم من تحت البطانيه
بقوم اشوف اشغالى
انا ورايا بيت وولاد
محدش هيشيل بدالى
ولاغيرى هيكون سداد
ناس في الدنيا اصغر مني
قعدة وعايشة مرتاحة
وانا رغم كبر سنى
معرفتش معنى الراحة
الدنيا مش ديمالى
ولاديما لحد فينا
ايام معدودة بقيالى
ويارب الطف بينا
ليست هناك تعليقات:
إرسال تعليق