غلبان ف زي مارد
ولجناحاتي فارد
مغصوب أقول أيوه
ومن جوايا معارض
مطلوب مني التركيز
عاجز عن التمييز
مشتت وذهني شارد
بشوف اللي يعصبني
وحاجات بتغضبني
وأقابلها بدم بارد
هوه إيه اللي جرالي؟
وإيه اللي غير حالي؟
مين اللي سرق مني
الطبع الإنساني؟
عايش ليه ف قلق؟
محتاس بشوية ورق
أنا اللي حلمي اتسرق
ووطني ليه ينساني
عايش فيه ع الهامش
وكأني وحداني
حلمي يبقي كابوس
عليا غيري يدوس
مقصود أكون متعوس
أقاسي ليه وأعاني؟
أنا مجرد رقم
عايش ف وسط الزخم
بيقولوا عليا رخم
ترتيبي أخراني
هشام سليم
كنج العربي
شاعر الحرافيش
الإسكندرية. مصر
ليست هناك تعليقات:
إرسال تعليق