.....بشويش يا دنيا......
وعلينا بشويش
يا دنيا فانيه
يا دنيا دايره
ناس على رزقها بتسعى
على اللي خالقها
وناس في العسل نايمه
وشوش طفوله شقيه
ووشوش هزيلة مطفيه
وخيوط الزمن
مرسومه عليها وطله
فرح وعبوس
وجوع وغموس
وعيون
فيها الضحكه نور
وعيون دموعها غايره
كله بيلف في دايرة تايهه
ناس الصدق في عيونها
وناس الكدب عنوانها
ناس شاليه همومها
على كفوفها
وخايفه من طواحينها
تهرس في الناس
وبالهموم تنداس
شمال ويمين
والعيون من الهموم
قدامها ما شايفه
أمانه عليك
يا زمن العجايب
بشويييييييييش
على قلوبنا الدايبه
عارفين مصيرنا فين
وعارفين
بتلفي بينا يا دنيا
لفتين.. وبعديها
أرواحنا لخالقها رايحه
ياااااارب
ارحمنا في الدنيا والآخره
وارزقنا حسن خاتمه.
بقلمي/ وفاء غباشي
ليست هناك تعليقات:
إرسال تعليق