شقاوة حبيبي
حبيبي قلبه شقى
بيحب كتير
روحه حلوة
مالهاش مثيل
عشاقه كتير!!!!
قلبه ماشي
من غير دليل
طريقة وعر
وحفره كتير
حصان جامح
بدون تفكير
يهز الارض بخطوته
كأنه أمير
قلبه بيدور
على الحبيب
أصله رومانسي
وعندليب
حلو اللسان
عايز يعشق ويعيش
في الحب أسير
يبتسم والحزن
في قلبه كبير
لف البلاد وطار لبعيد
دور علي السعادة
رجع مكسور وهزيل
وبعد وقت طويل
صادف حب حقيقي
ملك العقل بالتفكير
ملك قلبه الفرح لكن
أصحاب السوء كتير
فسدوا حياتة
وهجره الحبيب
وحاله بقى عسير
أصل الطريق العوج
مالوش كبير
يادنيا بتبدلي الأحوال
في لحظة
والدرس منك
علامه تقيل
أصل اللى ينكسر منك
طول عمره يصبح عليل
ولايقدر علي علاجة
طبيب ولاحكيم
هى دى الدنيا
تعطى درس
لكل عقل سقيم
بقلمي/ مدحت عبد الحكيم
ليست هناك تعليقات:
إرسال تعليق