. (لو تبتسمي)
. د. عصام ابو دنيا
.........
بشعر دايمآ
أن انا مخنوق
قلبي بينزف
كله شقوق
جسمى مبعتر
وسط تراب
وسط عفار ورياح
زعابيب
وأنك فوقى
زى سحاب
وان انا-على بابك-
مشنوق
....
بشعر دايمآ
أن انا مخنوق
قلبي بينزف
كله شقوق
وان اللهفه ..
اللوعه..الشوق
زيف و سراب
وان الحب شعور كداب
وان الرغبة..
الجنس .. الشهوة
مجرد نزوة
ووصال ميت
من غير طعم
ومن غير معني
وان أنا تايه
وسط ضباب
وأنك عنى بعيده..بعيده
وان بعادك عنى عذاب
وان وصالك برضه عذاب
وان ما بيننا
من غير وصل ،
ومن غير هجر
برضه عذاب
وأفضل وسط
ضباب العالم
ابحث ( عنى)
واندم انى
لسه مسالم
وان الدنيا
غازيه و زانيه
تقبض حتى تمن الثانيه
وان الحسبه
بسيطه وواضحة
( أما هزايم
اما غنايم )
وأفضل ادور
جوه سراب
يمكن وسط . الرمل.الجمر
يمكن وسط
غبار العمر
اسمع رد
ألقى جواب
أفهم حتى
انا ليه موجود ؟!
اعرف ليه
دايمآ مشدود !
زي الحبل
و وتر العود
وانى ساعات
أحلم و انغم
رغم أن انا
مخلوق بتألم
....
والقانى لحضنك مسحوب
زى مااكون مسحور
.. مسلوب
زي ماأكون درويش
مجذوب
لو تقدرى تعفى
وتسامحى !؟
لو بشرتك الطاهره
القمحى
تحضن جرحى !؟
يمكن اﻻقى تانى
مﻻمحى
لو تبتسمى
يمكن ضى عينيكى
يلملم اجزاء جسمى
يمكن وسط شفايفك
ادور..واعرف أسمى
لو تبتسمى !؟
جايز اقدر ابدأ تانى
يمكن يتطهر وجداني
يمكن الف رقبتك-يومها -
بعقد اغاني
لو تبتسمى !؟
.... .
. (د عصام ابودنيا)
.....
ليست هناك تعليقات:
إرسال تعليق