أغنية
( فرصة تانية )
خلي الكلام بنا يادوب ع الأد
كل اللي كان بنا خلاص اتهد
حكاية وانتهت
زي كل حكاية بتنتهي
ولا احنا أول من يفارقوا
ولا احنا أخر حد
كتر ألف خيرك
شكرا كتير
مالقيتش حد غيرك
يستاهل التقدير
إنت ف حياتي
كنت الأهم
علمتني الدرس المهم
ع الأرض مافيش ملايكة
ولا فيه في الدنيا خير
ماتقولش أسف ع اللي كان
ماتلومش نفسك والزمان
إنت ف حياتي
غلطة حياتي
ماطمرش فيك .. حبي ليك
ولا الحنان
ابكي بدمع عينيك
ادفع م اللي عليك
بكرة الأيام تاخد حقي
لسه الأيام ح توريك
مش هتاخد فرصة تانية
وابقي أشوفك مرة ثانية
وانت مكسور الجناح
لما تيجي عشان أسامحك
والندم غير ملامحك
وانت مليان بالجراح
إنت ف حياتي
كنت الأهم
علمتني الدرس المهم
ع الأرض مافيش ملايكة
ولا فيه في الدنيا خير
كلمات /أسامة أحمد رفعت
ليست هناك تعليقات:
إرسال تعليق