نفسنا نكبر
صغار نقول نفسنا نكبر
نكبر في أفعالنا بنصغر
غايبين لكن عايزين نحضر
فاكرين على الدنيا هنقدر
عايشين نوزع في ابتسامات
لبعض نحكي كتير حكايات
الدنيا فيها كتير متاهات
الحب فيه قصصه برويات
الدنيا مهما أيامها تطول
مش كل ما تتمنى تنول
كبرت عن نفسك مسءول
بتحب في الجامعة بتدرس
الحب في الجامعة بيهوس
تعمل حاجات اهلك تفرس
امك ابوك عايز تورس
الفكر لما يكون شارد
شباب حاسس انك جامد
تنجح تكون انسان واعد
حساس مفيش احساس بارد
فكر كمان في المستقبل
فكر تكون انت الانبل
إياك تصاحب شاب اهبل
هتكون معاه مصيرك تنبل
الدنيا مش ماشية بساطة
تتمشى فيها كده بالاطة
تدخل بصدرك ديه لماضة
ديه الدنيا بتشوط شواطة
اسءل مجرب اي 😷 طبيب
القطر طاير تحته قضيب
🇶🇦
جرحك بايدك بس يطيب
الدنيا ديه أكبر لعيب
يا مصغرنا يا مكبرنا
كتير في حياتنا جربنا
يا رب العزة صبرنا
في نور ضلك تنورنا
صغار نقول نفسنا نكبر
نكبر في أفعالنا بنصغر
نفسنا نصغر
الشاعر صلاح الجنايني
ليست هناك تعليقات:
إرسال تعليق