آه يا دنيا
جينا لك على الفطره ،
والأظافر كانت ناعمة ،
و بكينا أول ماشوفنا النور
،بكينا وسط الفرحه..
بدأنا نكبر
حبه حبه
وقلوبنا في صدورنا
بتدق دقه دقه..
والزمن مشي بينا
بين شوارع وبين
حارات وازقه .
..مشينا أيامنا وليالينا،،
وتعبنا وشقينا ،
، ونسينا إن العمر
بيجري بينا.
.وشفنا تجاعيد الزمن
في وشوشنا و ايادينا..
خلاص يا دنيا
بدات تلعبي بينا!!!!..
طب قولي
رايحه فين هتودينا .!!!!
.يارب حسن خاتمه
ترضيك
وبعدها ترضينا .
بقلمي.. وفاء غباشي
ليست هناك تعليقات:
إرسال تعليق