نص عامي.
قلبي يا رحال
قلبي يا رحال
رحلتك آهه
فى دنيا عنوانها متاهه
الفكر شارد
وتنهيده مش معروف مداها
حسره ساكنه
فى صرخه مش مسموع صداها
قلبي يا رحال
سفينه وتايهه فى بحر السنين
امواجه عاتيه تمحي الأنين
بحاره ينادي رب العالمين
يفرد قلوعه إيديه متكتفين
يتمنى مرسى
يضمه بلهفه وحنين
قلبي يا رحال
الرحله طالت
وطال الإنتظار
ايام تعدي كاسيها المرار
قسوتها تحرق
زي جيوش التتار
دي الحيره قاتله
وأسأل
ياترى نهاري ليل
ولا ليلي نهار
قلبي يا رحال
بقلم .. احمد ابو زياد
ليست هناك تعليقات:
إرسال تعليق